Брэсцкія мытнікі канфіскавалі на мяжы дзясяткі нажоў, кастэтаў і дубінак
У 2019 годзе брэсцкія мытнікі зафіксавалі 80 спробаў незаконнага правозу праз мяжу нажоў, кастэтаў і дубінак. Прэс-служба Брэсцкай мытні зрабіла падборку фотаздымкаў халоднай зброі, канфіскаванай у грамадзян. Толькі ў жніўні былі тры спробы правозу ў Беларусь нажоў. Пазней экспертыза прызнала іх халоднай зброяй. Парушальнікі не толькі засталіся без сваёй маёмасці, але ў дачыненні да іх распачалі адміністрацыйныя працэсы.
Мытнікі кажуць, што тэндэнцыя невыканання ўмоваў правозу праз мяжу халоднай зброі захоўваецца. Як вядома, фізічная асоба мусіць мець дазвол Міністэрства ўнутраных спраў і абавязкова дэклараваць гэты тавар.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
