Брэсцкае "Дынама" другі раз выйграла Кубак Беларусі
Салігорскі “Шахцёр” і брэсцкае “Дынама” 28 траўня сустракаліся ў фінале Кубка Беларусі па футболе. Матч прайшоў у Гродне.
Гульня ў асноўны і дадатковы час скончылася ўнічыю — 1:1. Лік у сустрэчы на 69-й хвіліне адкрыў нападнік гарнякоў Віталь Лісаковіч, на 82-й хвіліне хаўбек брэстаўчан Аляксей Лягчылін аднавіў роўнасць.
Пераможца быў вызначаны па серыі пенальці. У іх перамагло брэсцкае "Дынама". Перамога брэстаўчан дае ім права згуляць у Лізе Еўропы. Дарэчы, "Шахцёр" ужо выйшаў у еўракубкі на правах сярэбранага прызёра нацыянальнага чэмпіянату.
