Брамнік футбольнага мінскага “Дынама” з-за траўмы выбыў да канца сезона

Брамнік футбольнага мінскага “Дынама” з-за траўмы (пералом рабра) выбыў да канца сезона. Яе 25-гадовы Сяргей Ігнатовіч атрымаў у нядаўнім таварыскім матчы зборных Беларусі і Грузіі (паядынак у Кутаісі скончыўся ўнічыю 2:2). Прэс-служба ФК “Дынама-Мінск” жадае Ігнатовічу найхутчэйшага выздараўлення.

Адзначым, што ў чэмпіянаце Беларусі працягваецца барацьба за “золата”, якую вядуць салігорскі “Шахцёр”, БАТЭ і мінскае “Дынама”. Дынамаўцам давядзецца гуляць у двух апошніх турах без асноўнага брамніка.