Bloomberg: Кіпр заблакаваў прыняццё ЕС санкцый супраць афіцыйнага Мінска
![Bloomberg: Кіпр заблакаваў прыняццё ЕС санкцый супраць афіцыйнага Мінска](/sites/default/files/styles/gallery_main/public/2023-08/2020-09-09t125517z_902690706_rc20vi9ln2cq_rtrmadp_3_belarus-election-russia-banks.jpg.webp?itok=1IrvPBhK)
Кіпр заблакаваў прыняццё ЕС санкцый супраць афіцыйнага Мінска, піша Bloomberg са спасылкай на свае крыніцы. Брусель хацеў адрэагаваць на фальсіфікацыю вынікаў прэзідэнцкіх выбараў у нашай краіне і на жорсткія разгоны мірных акцый пратэсту. Як вядома, для прыняцця санкцый патрэбна згода ўсіх 27 краін Еўрасаюза. Яе дасягнуць пакуль не ўдалося.
Кіпр скарыстаўся сітуацыяй і спрабуе дамагчыся выканання ЕС сваіх даўніх патрабаванняў. Гэтая краіна хоча, каб у "чорны спіс" Еўрасаюза трапілі 7 турэцкіх кампаній, якія здабываюць прыродны газ у "эканамічнай зоне Кіпра" у Міжземным моры.
"Не проста так [міністр замежных спраў Расіі Сяргей] Лаўроў зганяў у Кіпр", — так пракаментаваў гэтую навіну галоўны рэдактар радыёстанцыі "Эхо Москвы" Аляксей Венедыктаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.