Беларусы збіраюць грошы на аперацыю Адэлі Вольскай
![Адэля Вольская / facebook.com/adela.volskaya.7](/sites/default/files/styles/gallery_main/public/2023-08/adelia-2411.jpg.webp?itok=1goFGZFJ)
Адэля Вольская / facebook.com/adela.volskaya.7
Спявачка Адэля Вольская (ADEL LINE), дачка Лявона Вольскага, праз сацсеткі папрасіла дапамогі. У дзяўчыны выявілі кісту яечніка, і неабходныя былі грошы на аперацыю ў Польшчы.
Збор грошай на аперацыю — па гэтай спасылцы. За некалькі гадзін удалося сабраць большую частку неабходнай сумы: на 11 гадзін раніцы сабрана 8,5 тысяч злотых з неабходных 12 тысяч.
Адэля Вольская падзякавала ўсім, хто спрычыніўся да дапамогі:
"Яшчэ раз усім шчыра дзякую за дапамогу! Гэта проста неверагодна! Я кожнаму высылала мэйлы з падзякай і дзесьці памылілася, прашу прабачэння. Вы проста неверагодныя! Я нават і не спадзявалася, што так хутка можна сабраць пэўную суму".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.