Беларусы сталі менш купляць гарэлку
У студзені-ліпені продаж гарэлкі ў Беларусі скараціўся на 11,1% у параўнанні з аналагічным перыядам мінулага года.
Паводле звестак Белстата, летась назіраўся рост продажу гэтага алкагольнага напою.
За сем месяцаў 2013-га прададзена 6 млн. 183,7 тыс. дал гарэлкі, яе доля ў агульным аб'ёме продажу алкаголю склала 47,2% (у студзені-ліпені 2012 года — 49,8%).
Сёлета праз рознічную (гандлёвую) сетку рэалізавана алкагольных напояў і піва на 12,9 трлн. рублёў, што ў рознічным тавараабароце гандлю складае 11,5%, паведамляе БелаПАН.
Фота — bymedia.net
