Вы тут

Беларусы маюць тры медалі на этапе Кубка свету па веславанні ў Познані

Марына Літвінчук. БЕЛТА

Беларусы заваявалі тры ўзнагароды на этапе Кубка свету па веславанні на байдарках і каноэ ў Познані. Золата дасталася байдарачніцам Вользе Худзенка і Марыне Літвінчук на дыстанцыі 500 м. На другім месцы экіпаж з Бельгіі (Херміен Петерс і Ліза Брокс), на трэцім славенкі Спела Панамарэнка Яніч і Аня Остэрман.

Байдарачнік Алег Юрэня заваяваў серабро на дыстанцыі 1000 метраў. Пераможцам у гэтых спаборніцтвах быў партугальскі спатрсмен Фернанда Пімента, а бронза ў Ёзефа Достала з Чэхіі.
 

У заездзе каноэ на 200 м беларус Арцём Козыр заняў трэцяе месца. Пераможцай стаў Зазе Надзірадзэ з Грузіі, на другім месцы Цімур Хайдараў з Казахстана.