Беларускія школьнікі сышлі на восеньскія вакацыі
Ілюстрацыя: 123rf.com
Восеньскія канікулы пачаліся ў беларускіх школьнікаў. У гэтым годзе яны працягнуцца даўжэй, чым звычайна: 10 дзён, па 7 лістапада ўключна. Гэта тлумачыцца тым, што Дзень Кастрычніцкай рэвалюцыі, які ў Беларусі дагэтуль з'яўляецца святочным, выпадае на аўторак. Панядзелак, 6 лістапада, таксама будзе выходных.
У дні канікул установы адукацыі праводзяць для школьнікаў фізкультурна-аздараўленчыя і спартыўна-масавыя мерапрыемствы. Навыкі здаровага ладу жыцця хлопчыкі і дзяўчынкі будуць атрымліваць на ролевых гульнях, трэнінгах і гэтак далей, піша БелТА.
Для школьнікаў будуць праводзіцца экскурсіі. Таксама яны працягнуць шэфства над удзельнікамі Вялікай Айчыннай вайны. Акрамя таго, на восеньскіх вакацыях плануецца актыўна далучаць дзяцей да пошукавай і даследчай дзейнасці, каб дапамагчы ім вывучыць гісторыю сваёй краіны, да добраўпарадкавання помнікаў і месцаў воінскіх пахаванняў.
Нацыянальны цэнтр мастацкай творчасці дзяцей і моладзі 1-3 лістапада запрашае на міжнародны фестываль-конкурс "Творчасць без межаў", на якім дзеці змогуць пазнаёміцца з культурай іншых народаў, завесці сяброў з розных краінаў.
