Беларускі трэнерскі дэсант у чэрвені паедзе на чэмпіянат Еўропы па футболе
Група беларускіх футбольных спецыялістаў з васьмі чалавек у чэрвені накіруецца на чэмпіянат Еўропы з мэтай азнаямлення з гульнёй найлепшых зборных кантынента. Нагадаем, ён пройдзе ў Аўстрыі і Швейцарыі з 7-га да 29-га чэрвеня. У склад групы трэнераў увайшлі: трэнеры нацыянальнай каманды Бернд
Штанге і Херальд Ірмшэр, а таксама Юрый Курненін, Павел Раднёнак, Пётр
Васілеўскі, Сяргей Саладоўнікаў, Аляксандр Хацкевіч і Дзмітрый Касянок.
Прэс-сакратар Беларускай федэрацыі футбола Сяргей Новыш у інтэрв'ю Еўрарадыё кажа, што такога вялікага "дэсанту" на футбольныя спаборніцтвы такога ўзроўню не прыпомніць:
"Вядома, нашыя спецыялісты ездзілі на некаторыя матчы чэмпіянату свету, у тым ліку і трэнер галоўнай зборнай. Але, каб адразу восем трэнераў... Мне падаецца, што ўпершыню такі ўнушальны дэсант".
Паводле словаў Новыша, у задачу спецыялістаў ставіцца аналіз апошніх тактычных дасягненняў найлепшых зборных Еўропы, адсочванне новых тэндэнцый сучаснага футбола, арганізацыі трэніровачнага працэсу.
Прэс-сакратар Беларускай федэрацыі футбола Сяргей Новыш у інтэрв'ю Еўрарадыё кажа, што такога вялікага "дэсанту" на футбольныя спаборніцтвы такога ўзроўню не прыпомніць:
"Вядома, нашыя спецыялісты ездзілі на некаторыя матчы чэмпіянату свету, у тым ліку і трэнер галоўнай зборнай. Але, каб адразу восем трэнераў... Мне падаецца, што ўпершыню такі ўнушальны дэсант".
Паводле словаў Новыша, у задачу спецыялістаў ставіцца аналіз апошніх тактычных дасягненняў найлепшых зборных Еўропы, адсочванне новых тэндэнцый сучаснага футбола, арганізацыі трэніровачнага працэсу.