Вы тут

Беларус, які забіў маці праз 10 рублёў, сядзе ў турму на 17 гадоў

"Зніклыя" грошы следчыя пазней знайшлі ў ложку мужчыны / СК​

Жыхара Сянно, які забіў маці праз знікненне 10 рублёў, асудзілі на 17 гадоў калоніі ўзмоцненага рэжыму, паведамляе Вярхоўны суд.   

Крымінальную справу ў дачыненні да 51-гадовага мужчыны разглядаў Віцебскі абласны суд.

Трагедыя здарылася ў красавіку. Мужчына прыйшоў дадому п'яным, схаваў 10 рублёў і лёг спаць. Прачнуўшыся, не знайшоў "зберажэнняў", і вырашыў, што іх забрала 72-гадовая маці. Жанчына адмаўляла гэта, але сын збіў яе рукамі і нагамі — эксперты налічылі не менш за 30 удараў. Затым сын накрыў цела маці курткай і сышоў да знаёмага працягваць распіваць алкаголь. На наступны дзень мужчына знайшоў маці мёртвай і выклікаў хуткую. 10 рублёў следчыя знайшлі на канапе, дзе спаў мужчына, пад пасцельнай бялізнай.

Мужчыну абвінавацілі ў забойстве заведама састарэлай асобы з асаблівай жорсткасцю. Абвінавачаны часткова прызнаў сябе вінаватым.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.