Беларус вёз у Польшчу кантрабандныя цыгарэты ў ровары (фота)
52 пачкі былі ў раме і колах. 24-гадовы хлопец перасякаў мяжу ў пункце пропуску "Брузгі-Кузніца".
Польскія мытнікі кантрабанду знайшлі. Адзін з іх звярнуў увагу на вялікую налепку, размешчаную на пярэдняй частцы ровара. Пры дотыку да яе выявіўся выраз у раме, адкуль выглядалі цыгарэты "Мінск". Агулам з рамы дасталі 11 пачкаў.
Пасля гэтага беларуса з роварам накіравалі на больш старанны дагляд. Там мытнікі выявілі яшчэ 41 пачак цыгарэт з беларускімі акцызнымі маркамі, схаваныя ў колах, паведамляе сайт brestcity.com.