Беларусь сёння могуць адхіліць ад Алімпіяды ў Токіа

Беларусь сёння могуць адхіліць ад Алімпіяды ў Токіа

"Беларускае пытанне" будзе разглядацца 24 лютага на пасяджэнні выканкама Міжнароднага алімпійскага камітэта, піша "Прессбол". Пасяджэнне пройдзе ў фармаце відэаканферэнцыі. 

Выканкам МАК будзе вырашаць, ці дапускаць беларускую зборную да ўдзелу ў Такійскай алімпіядзе пад дзяржаўным сцягам.

Раней МАК пачаў расследаванне супраць Нацыянальнага алімпійскага камітэта Беларусі пасля абвінавачванняў у палітычнай дыскрымінацыі спартоўцаў. Больш за 100 спартоўцаў, якія выказаліся ў адкрытым лісце за адстаўку Аляксандра Лукашэнкі, былі адхіленыя ад спаборніцтваў у Беларусі. 

Лукашэнка адначасова з'яўляецца кіраўніком НАК.

У снежні выканкам МАК пастанавіў, што" цяперашняе кіраўніцтва НАК належным чынам не абараніла беларускіх спартоўцаў ад палітычнай дыскрымінацыі", а гэта супярэчыць Алімпійскай хартыі.

У выніку МАК забараніла выканкаму беларускага НАК (у тым ліку Лукашэнку і ягонаму старэйшаму сыну Віктару — першаму віцэ-прэзідэнту НАК) наведваць Алімпіяду ў Токіа і спыніла ўсю фінансавую падтрымку. У адказ Лукашэнка назваў МАК бандай і прыгразіў судом.

Калі на сённяшнім пасяджэнні выканкам МАК вырашыць, што ў Беларусі працягваецца дыскрымінацыя спартоўцаў па палітычных матывах, то Нацыянальны алімпійскі камітэт можа быць адхілены ад удзелу ў Алімпіядзе. У выніку беларускія спартоўцы будуць вымушаныя выступаць пад алімпійскім сцягам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі