Беларусь разлічвае на чарговы транш крэдыту ад ЕФСР да канца сакавіка

Беларусь разлічвае на чарговы транш крэдыту ад ЕФСР да канца сакавіка

Беларусь разлічвае атрымаць шосты транш крэдыту ад Еўразійскага фонду стабілізацыі і развіцця да канца І квартала гэтага года. Пра гэта заявіў міністр фінансаў Уладзімір Амарын падчас наўпроставай тэлефоннай лініі.

Ён адзначыў, што Беларусь пакуль не плануе праводзіць перамовы наконт яшчэ аднаго крэдытнага пагаднення з ЕФСР пасля завяршэння гэтай праграмы.

Міністэрства фінансаў Беларусі і Еўразійскі банк развіцця падпісалі 25 сакавіка 2016 года пагадненне аб выдачы крэдыту са сродкаў ЕФСП. Дакумент прадугледжвае выдачу фінансавых рэсурсаў на суму 2 мільярда долараў у падтрымку захадаў эканамічнай палітыкі і структурных пераўтварэнняў ураду і Нацыянальнага банку Беларусі на 2016-2018 гады, узгодненых Саветам Еўразійскага фонду стабілізацыі і развіцця. Сродкі размеркаваныя на 7 траншаў цягам 2016-2018 гадоў.

Пяты транш памерам 200 мільёнаў долараў паступіў у бюджэт Беларусі 25 кастрычніка 2017 года, нагадвае БЕЛТА.

Апошнія навіны

Галоўнае

Выбар рэдакцыі