“Барселона” падпіша кантракт з Суарэсам і забароніць яму кусацца
“Зубастаму” гульцу прапануюць дамову на пяць гадоў.
Паведамляецца, што "Барселона" можа заплаціць англійскаму “Ліверпулю” за Луіса Суарэса 30 мільёнаў еўра. Бакі ўжо вядуць перамовы. Каб перастрахавацца ад дзіўнай звычкі уругвайскага футбаліста, каталонцы ўвялі ў кантракт адмысловую забарону на ўкусы.
Раней Луіс Суарэс быў пакараны ФІФА за тое, што ўкусіў абаронцу італьянскай зборнай Джорджа К'еліні падчас гульні на ЧС па футболе ў Бразіліі. За гэта Суарэса адхілілі на чатыры месяцы ад любой футбольнай дзейнасці і прызначылі яму грашовы штраф у 100 тысяч швейцарскіх франкаў. З-за накладзенай забароны Суарэс быў пазбаўлены акрэдытацыі на ЧС і з'ехаў з Бразіліі.
