Баевікі Данбаса дамаўляюцца пра пастаўкі расійскага газу
Перамовы, як сцвярджае "міністр дзяржбяспекі ДНР" Леанід Баранаў, прайшлі ў Маскве.
"У нас асобная галіна, нам гарантавалі паступленне газу. Труба заходзіць ў Луганскую вобласць і выходзіць у Данецкай, мы дзве адзіныя вобласці, у цэлым не залежым ад Украіны ўвогуле", — перадае РБК словы Баранава.
Казаць пра цану на газ для "ДНР" і "ЛНР" пакуль рана, гэтае пытанне яшчэ абмяркоўваецца, удакладніў ён.
Пастаўкі газу на Украіну былі спыненыя на пачатку лета, калі праваліліся перамовыаў аб выплаце пазыкі. У сераду, 3 верасня, прэм'ер-міністр Расіі Дзмітрый Мядзведзеў абвясціў пра ўмовы аднаўлення супрацоўніцтва з Украінай у газавай сферы, якія не змяніліся з часу спынення паставак. Першай умовай Мядзведзеў зноў назваў "пагашэнне наяўнай запазычанасці, якая дасягнула астранамічнай лічбы".
Фота — 24daily.net