Азаронак прапануе адмяніць выбары, бо "ў нас ёсць выдатны прэзідэнт"

Пазней Азаронак прапанаваў увогуле адмяніць выбары: "Можа, ну наогул гэтыя выбары? У нас ёсць выдатны прэзідэнт, якога падтрымлівае большасць. Давайце, так бы мовіць, перафарматуем. Чаго нам саромецца? Слухайце, у Прыбалтыцы ёсць катэгорыя неграмадзян, у якіх іншага колеру пашпарты і яны абмежаваныя ў выбарчых правах".

Студэнт Інстытута інфармацыйных тэхналогій пры БДУІР Яраслаў Мяркулаў запярэчыў яму: "Вы ж памятаеце, што гэта ўсё ж такі моладзь, і ў іх такі юнацкі максімалізм. Ім неабходна паднесці сябе ў свет. То бок, гэта таксама робіць іх часткай дзяржавы".

Таксама ў сваёй праграме Азаронак разважаў пра неабходнасць выхавання айчынных хунвейбінаў: "Напалеон сказаў: дайце мне войска дзяцей, і я захаплю ўвесь свет. Ну, груба кажучы, вось мы зарадзім нашай ідэалогіяй, нашым патрыятызмам нашу моладзь, зробім для гэтага каласальныя намаганні. Так, можна сказаць цынічна, як гэта рабіў Напалеон. Ці як гэта рабіў Мао Цзэдун ў “культурнай рэвалюцыі". Там таксама, так бы мовіць, дзеці рвалі ворагаў кітайскага рэ... сацыялізму".