Азаранка захавала за сабой пятае месца ў рэйтынгу WTA
![Азаранка захавала за сабой пятае месца ў рэйтынгу WTA](/sites/default/files/styles/gallery_main/public/2023-08/000028_abae86d7a9d617a043257f9100609602_251643.jpg.webp?itok=Y1glrG_n)
Вікторыя Азаранка захавала за сабой пятае месца ў рэйтынгу WTA. Яго абноўлены варыянт быў апублікаваны ў панядзелак, 11 красавіка.
У першай пяцёрцы адбылася толькі адна змена — Агнешка Радваньска памянялася месцамі з Ангелікай Кербер. Полька стала 2-й, немка — 3-й. Лідыруе па-ранейшаму амерыканка Серэна Уільямс.
Як паведамляла Еўрарадыё, у нядзелю, 10 красавіка, Азаранка правяла ў Мінску сустрэчу з беларускімі заўзятарамі. Яна паведаміла, што "пакуль што плануе" выступіць 16-17 красавіка ў Маскве за зборную Беларусі ў матчы плэй-оф Сусветнай групы Кубка федэрацый з камандай Расіі. На Алімпіядзе ў Рыё Вікторыя збіраецца выступаць толькі ў адзіночным разрадзе. Таксама тэнісістка распавяла, што "некаторы час таму" яна вяла перамовы пра тое, каб у Мінску быў праведзены турнір WTA.