Азаранка ўзнялася на другі радок рэйтынгу Жаночай тэніснай асацыяцыі
Абноўлены рэйтынг WTA быў апублікаваны ў панядзелак, 10 чэрвеня.
У Вікторыі Азаранкі 9625 ачкоў, у амерыканкі Серэны Уільямс — 13615 балаў. У чэмпіёнскай гонцы беларуска засталася на трэцяй пазіцыі.
Узняцца на адзін пункт Азаранцы дапамагло паражэнне расіянкі Марыі Шарапавай у фінале “Ралан Гарос”. Шарапава не змагла "абараніць" свае ачкі (летась яна выйграла гэты турнір), а Азаранка ачкі набрала, паколькі зрабіла крок наперад — дайшла да паўфінала.
Нагадаем, беларуская тэнісістка амаль увесь 2012 год трымала тытул першай ракеткі свету, але шэраг сёлетніх паразаў адкінуў яе на трэці радок. І толькі цяпер яна пачынае вяртаць страчаныя пазіцыі.
