Аварыя на праспекце Пушкіна ў Мінску спаралізавала дарожны рух (фота)
![Аварыя на праспекце Пушкіна ў Мінску спаралізавала дарожны рух (фота)](/sites/default/files/styles/gallery_main/public/2023-08/push_dtz_1.jpg.webp?itok=7a55vqql)
Дарожна-транспартнае здарэнне з удзелам пасажырскага аўтобуса спаралізавала рух на праспекце Пушкіна ў Мінску, інфармуе БЕЛТА. Аварыя адбылася каля перакрыжавання праспекта з вуліцай Альшэўскага. Мяркуецца, што аўтобус рабіў разварот у прадугледжаным для гэтага месцы, але падчас манеўра сутыкнуўся з легкавіком.
Атрымалася так, што аўтобус амаль цалкам перагарадзіў праезную частку ў кірунку цэнтра горада і гэта прывяло да вялікага затору.
Абодва транспартныя сродкі не атрымалі значных пашкоджанняў, ніхто з людзей не пацярпеў. Але паколькі гэта было раніцай у “гадзіну пік”, то дарожны інцыдэнт стварыў шмат праблем для аўтааматараў. Кіроўцы тралейбусаў вымушаныя былі высаджваць сваіх пасажыраў.