Арменія. Пяць пейзажаў, якiя не паўтараюцца
Фатаграфіі ў тэксце: Акоп Аганесян
Арменія не прыцягне аматараў марскіх прастораў ― іх тут няма! Але тых, хто любіць прыроду ў яе разнастайных праявах, ад паўпустынь да альпійскіх лугоў, смела можна запрасіць праехацца па маленькай краіне, дзе унікальным чынам сумясціліся шэсць кліматычных зон, піша JamNews.
Без перабольшання яе можна праехаць усю за адзін дзень. Найбольшая працягласць з паўночнага захаду на паўднёвы ўсход ― усяго 360 км, а з захаду на ўсход ― 200. Кліматычная разнастайнасць тлумачыцца асаблівасцямі геаграфічнага становішча ― вялікімі перападамі вышынь (ад 400 да чатырох тысяч метраў над узроўнем мора).
Арменія размешчаная на шыраце субтрапічнай зоны, і на самым поўдні краіны турыстаў могуць пачаставаць апельсінамі, інжырам і нават мясцовымі маслінамі. Але ў астатніх раёнах, збольшага высакагорных, клімат кантынентальны. Тут не расце экзатычныя садавіна, але і тут гасцей змогуць парадаваць экалагічна чыстым прадуктам.
Дарэчы, у Арменіі сто дробных азёр, але галоўнае яе воднае ўпрыгожванне ― возера Севан, якое мясцовыя жыхары з любоўю называюць морам.
На рэках, вялікіх і малых, пабудавана больш за семдзесят вадасховішчаў, якія ў асноўным выкарыстоўваюцца для арашэння. Адно з іх ― Завашанскае, якое пабудаванае на рацэ Азат.
Завашанскае вадасховішча, Котайкскі рэгіён. Вышыня каля 1000 метраў над узроўнем мора. Паўпустыннная зона.
І хоць Арменію можна праехаць “галопам” з канца ў канец і не затрымлівацца тут больш за дзень, лепш застацца даўжэй і прыгледзецца да яе краявідаў.
JAMNEWS, Ераван.
