Амерыканская выведка не верыць, што вайна зможа змяніць рэжым у Іране

Амерыканская выведка не верыць, што вайна зможа змяніць рэжым у Іране. Пра гэта гаворыцца ў сакрэтным дакладзе Нацыянальнага выведвальнага савета, фрагменты якога трапілі да The Washington Post.

Даклад падрыхтавалі прыкладна за тыдзень да пачатку вайны ў Іране. У ім эксперты выведак прааналізавалі сцэнары пераемнасці ўлады ў выпадку проста ліквідацыі кіраўніцтва Ірана ці вайсковай аперацыі. У абодвух выпадках аналітыкі прыйшлі да высновы, што пераемнасць улады застанецца.

Перспектыва захопу ўлады ў краіне іранскай апазіцыяй была названая "малаверагоднай".

Нацыянальны выведвальны савет складаецца з аналітыкаў 18 разведвальных агенцтваў ЗША.