Аляксандру Каско, якая вярнулася з Польшчы, асудзілі на 10 гадоў калоніі
![Аляксандра Каско](/sites/default/files/styles/gallery_main/public/2023-09/akasko.jpg.webp?itok=S_YPb0Wi)
Аляксандра Каско / dissidentby.com
30-гадовую жыхарку Ваўкавыска Аляксандру Каско, якая сёлета вярнулася ў Беларусь з Польшчы, асудзілі на 10 гадоў калоніі, паведамляюць праваабаронцы. Яе справу разглядаў Гродзенскі абласны суд (суддзя — Дзмітрый Бубенчык). Прысуд быў агучаны 19 снежня.
Каско абвінавачвалі ў "распальванні іншай сацыяльнай варожасці", "незаконных дзеяннях у дачыненні да персанальных звестак", "стварэнні экстрэмісцкага фармавання альбо ўдзеле ў ім", "садзейнічанні экстрэмісцкай дзейнасці", "паклёпе на Лукашэнку", "абразе Лукашэнкі", "абразе прадстаўніка ўлады" і "абразе суддзі".
Пра затрыманне Аляксандры Каско пасля вяртання з-за мяжы стала вядома ў лютым. Яе арыштавалі на 10 сутак за "распаўсюд экстрэмісцкіх матэрыялаў". На волю жанчына так і не выйшла. У сакавіку беларускія праваабаронцы прызналі Аляксандру Каско палітзняволенай
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.