Альфер: Дзяржава спрабуе адрэзаць грамадзян Беларусі ад Карты паляка
Забарона на дзяржпрацу па нацыянальнай прыкмеце можа закрануць не толькі чыноўнікаў. Пра гэта Еўрарадыё сказаў юрыст Сяргей Альфер.
Мінюст Беларусі ініцыюе законапраект, які забароніць дзяржаўным служачым мець Карту паляка. Чаму Мінюст пры гэтым кажа пра ўнясенне паправак не толькі ў закон «Аб дзяржслужбе», але і ў законы "Аб грамадскіх аб'яднаннях" і "Аб грамадзянстве»?
Еўрарадыё: Мінюст ініцыюе законапраект, каб забараніць дзяржаўным служачым мець Карту паляка. Чаму цяпер і з чым звязаная такая ініцыятвыва?
Альфер: “Дзяржава дастаткова даўно і лагічна робіць розныя заходы, каб пэўныя катэгорыі грамадзянаў Беларусі не маглі атрымаць Карту паляка. Зразумела, што намнога прасцей зрабіць гэтыя законы для джяржаўных служачых. Аснова для законапраекта, які рыхтуе Мінюст – гэта рашэнне Канстытуцыйнага суда Беларусі ад 7 красавіка гэтага года, якім ён прызнаў пэўныя нормы закона “Аб Карце паляка” не адпаведнымі агульнапрызнаным прынцыпам суверэннэй роўнасці дзяржаваў”.
Еўрарадыё: Змены рыхтуюцца не ў адным законе, а ў некалькі, чаму?
Альфер: “Прадсатўніком Міністэрства юстыцый было агучана, што рыхтуюцца змены ў трох законах – “Аб дзяржслужбе”, "Аб грамадскіх аб'яднаннях” і “Аб грамадзянстве”. Мінюст палічыў, што у гэтыя тры закона трэба ўводзіць змены, каб поўнасцю выключыць магчымасць атрымання дзяржаўнымі служачымі Карты паляка".
Еўрарадыё: А ці не можа быць так, што пры змене законаў “Аб грамадскіх аб'яднаннях" і "Аб грамадзянстве” змены закрануць не толькі дзяржаўных служачых, але і астатніх грамадзянаў Беларусі?
Альфер: “З законам “Аб дзяржслужбе” ўсё зразумела. Але два іншыя законы – “Аб грамадскіх аб'яднаннях" і "Аб грамадзянстве” - яны не выдзяляюць пэўных катэгорый грамадзянаў Беларусі – дзяржслужачых або не дзяржслужачых, яны тычацца ўсяго насельніцтва Беларусі. Мы абмяркоўвалі гэтае пытанне, што ж у гэтыя законы можна ўставіць і сыходзімся ў пэўным непаразуменні, якія папраўкі будуць у гэтыя законы ўведзеныя. Мне здаецца, што вельмі цяжка гэтымі папраўкамі абмежаваць толькі дзяржаўных служачых”.