Актывістка з бел-чырвона-белым сцягам гуляла ў Новы год па Мінску (фота)
![Актывістка з бел-чырвона-белым сцягам гуляла ў Новы год па Мінску (фота)](/sites/default/files/styles/gallery_main/public/2023-08/baginskaja_sciah_1.jpg.webp?itok=gzvyACQk)
Вядомая апазіцыйная актывістка Ніна Багінская зладзіла эксперымент у навагоднюю ноч — прайшлася з бел-чырвона-белым сцягам па цэнтры Мінска. Яна прайшла ад Акадэміі навук да плошчы Незалежнасці і не была затрыманай.
Як паведамляе Радыё Свабода, жанчына хацела высветліць, дакуль яна дойдзе, трымаючы нацыянальны сцяг. Міліцыя спрабавала яе спыніць і казала, што нельга хадзіць з бел-чырвона-белым сцягам, аднак Багінская адказвала, што яна ўжо ў тым узросце, калі можа вырашыць, з чым ёй хадзіць, пагатоў, забароны на гэты сцяг няма.
У выніку яна без прыгодаў скончыла сваё персанальнае шэсце ля касцёла Сымона і Алены.
Фота: сацыяльныя сеткі