Актывістаў "Еўрапейскай Беларусі" затрымлівалі ў сувязі з рэферэндумам
14 лютага каля 11-й гадзіны раніцы ў Мінску затрымалі актывістаў "Еўрапейскай Беларусі" Леаніда Кулакова і Маю Навумаву, паведамляюць праваабаронцы.
Іх адвезлі ў Першамайскі РУУС, дзе правялі гутарку. Потым з 12-й да 17:30 іх трымалі ў камеры, пасля чаго адпусцілі.
Падчас гутаркі міліцыянт паведаміў актывістам, што іх затрыманне звязанае з будучым рэферэндумам.
"Прафілактычнае" затрыманне апазіцыйных актывістаў перад значнымі падзеямі ў Беларусі практыкуецца ўжо не першы год.
