Актывіст апазіцыі Уладзімір Кішкурна памёр у лякарні
![Актывіст апазіцыі Уладзімір Кішкурна памёр у лякарні](/sites/default/files/styles/gallery_main/public/2023-08/kishkurna.jpg.webp?itok=C1uT26MK)
Актывіст апазіцыі і сябра Партыі БНФ Уладзімір Кішкурна памёр у Івацэвіцкай лякарні, куды яго даставілі пасля дарожна-транспартнага здарэння. Пра гэта БелаПАН паведамляе са спасылкай на яго сына, Мікалая Кішкурну.
2 верасня 77-гадовы Кішкурна ехаў за рулём аўтамабіля ў санаторый, і на шляху яму стала кепска з сэрцам. Ён не справіўся з кіраваннем і ўрэзаўся ў грузавік.
Развітанне з Уладзімірам Кішкурнай пройдзе ў яго мінскай кватэры (дакладная дата і час пакуль не вызначаныя). Яго пахаваюць на могілках у вёсцы Строчыцы пад Мінскам, дзе жыве сын.
Уладзімір Кішкурна доўгі час ачольваў мінскую гарадскую арганізацыю Партыі БНФ, быў сябрам сойму БНФ. У апошнія гады жыцця займаўся грамадскай дзейнасцю, у тым ліку ўшанаваннем памяці ахвяраў сталінскіх рэпрэсіяў ва ўрочышчы Курапаты.
Фота: Фэйсбук