Адкрыты ліст Валерыя Цапкалы да кіраўнікоў замежных дзяржаў ТЭКСТ
![Адкрыты ліст Валерыя Цапкалы да кіраўнікоў замежных дзяржаў ТЭКСТ](/sites/default/files/styles/gallery_main/public/2023-08/capkala0308.jpg.webp?itok=U7IxPrqm)
Незарэгістраваны кандыдатам у прэзідэнты Беларусі палітык Валерый Цапкала звярнуўся з адкрытым лістом да прэзідэнтаў і прэм'ер-міністраў 32 краін. У спісе яго адрасатаў ёсць кіраўнікі ЗША, Германіі, Францыі, Вялікабрытаніі ды Украіны.
Еўрарадыё атрымала тэкст дакумента і публікуе яго ў нязменным выглядзе.
Адкрыты ліст да кіраўніка дзяржавы або ўраду і народу
Паважаны спадар прэзiдэнт/прэм’ер-мiнiстр,
Паважаныя грамадзяне!
Вось ужо 26 гадоў у Беларусі кіруе адзін чалавек, які стварыў у краіне аўтарытарны рэжым, у якім не выконваюцца асноўныя каштоўнасці дэмакратычнага грамадства: змяняльнасць улады, свабода слова і волевыяўлення, асноўныя свабоды чалавека. У дадзены момант улады ў Беларусі актыўна перашкаджаюць правядзенню свабодных і сумленных выбараў прэзідэнта, а таксама аказваюць сілавы ціск на ўсіх, хто жадае справядлівасці і празрыстасці выбарчага працэсу. Для гэтага яны выкарыстоўваюць метады запалохвання і жорсткую сілу.
Наш нацыянальны гімн пачынаецца словамі: "Мы, беларусы, мірныя людзі". Менавіта ў гэты момант беларускія ўлады актыўна падрываюць свабоду і справядлівасць будучых выбараў прэзідэнта і гвалтоўна душаць тых, хто хоча мець сумленны і празрысты выбарчы працэс. Яны кіруюць з дапамогай запалохвання і грубай сілы.
Звяртаюся да Вас, спадар прэзiдэнт/прэм’ер-мiнiстр, як да кіраўніка дэмакратычнай дзяржавы і да Вашых суайчыннiкаӯ, якiя жывуць ва ўмовах дэмакратычных свабодаў, з просьбай падтрымаць правядзенне свабодных і сумленных прэзідэнцкіх выбараў у Беларусі і звярнуць увагу ўсёй вашай грамадскасці на праводзімую беларускім рэжымам антынародную палітыку.
Таксама, ад ўсяго Беларускага народа прашу аказаць садзейнічанне ў арганізацыі міжнароднага назірання за выбарамі і падліку галасоў, забеспячэнні празрыстасці гэтага працэсу для грамадзян Беларусі, якія знаходзяцца на тэрыторыі Вашай свабоднай краіны.
Нашы народы месцамi аб'ядноўвае культурна-гістарычная спадчына і цесныя роднасныя сувязі. Мы аднолькава разумеем ідэi дэмакратыі і свабоды.
Нашыя мэты:
— Стварыць поўную празрыстасць выбарчай кампаніі ў Беларусі і перашкодзіць фальсіфікацыі вынікаў выбараў ці маніпуляцыям з імі.
— Садзейнiчаць абранню адзінага кандыдата Святланы Ціханоўскай у якасці прэзідэнта Рэспублікі Беларусь.
— Вызваліць з турмаў усіх палітвязняў, у тым ліку экс-кандыдата ў прэзідэнты Віктара Бабарыкі і кіраўніка ініцыятыўнай групы Святланы і яе мужа Сяргея Ціханоўскага.
— Правесці новыя сумленныя і свабодныя прэзідэнцкія выбары ў тэрмін ад 3 да 6 месяцаў з моманту 9 жніўня 2020 г. з удзелам усіх альтэрнатыўных кандыдатаў, у тым ліку і тых, хто быў злачынна адхілены дзеючай уладай ад выбарчага працэсу.
Галасы і будучыня беларусаў вельмі важныя!
Дзякуй!
З павагай і верай у агульныя чалавечыя каштоўнасці,
Валерый Цапкала
Былы першы намеснік міністра замежных спраў і Надзвычайны і Паўнамоцны пасол Рэспублікі Беларусь у ЗША і Мексіцы.
Заснавальнік Парку Высокіх Тэхналогій.
Удзельнік кампаніі па выбарах прэзідэнта Рэспублікі Беларусь 2020 года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.