Ад успышкі ў гаражы пацярпелі тры жыхары Магілёва (фота)
![Ад успышкі ў гаражы пацярпелі тры жыхары Магілёва (фота)](/sites/default/files/styles/gallery_main/public/2023-08/mahiliou-2502-1.jpg.webp?itok=_E9xVXtf)
Увечары 24 лютага магілёўскім ратавальнікам паступіла паведамленне пра ўспышку газапаветранай сумесі ў гаражным кааператыве "Фаціна".
Як інфармуе прэс-служба МНС, на месцы здарэння ратавальнікі пабачылі, што ўспышка адбылася без наступнага гарэння. Пры здарэнні пацярпелі тры чалавекі. Апёкі атрымалі дарослы сын уладальніцы гаража і яшчэ адзін мужчына. Іх шпіталізавалі. Трэці пацярпелы атрымаў множныя ўшыбы рук і ног. Яго таксама даставілі да лекараў.
Пры здарэнні была пашкоджаная сумежная сцяна паміж гаражамі. У гаражы непадалёку пашкоджаная сцяна з брамкай і пліта перакрыцця.
Меркаванай прычынай здарэння называецца парушэнне правілаў правядзення агнявых работ.
![Ад успышкі ў гаражы пацярпелі тры жыхары Магілёва (фота)](/sites/default/files/paragraphs/image/mahiliou-2502-2.jpg)