54 чалавекі эвакуявалі на пажары ў Оршы
22 красавіка ў 16:12 аршанскім ратавальнікам паступіла паведамленне пра пажар, інфармуе прэс-служба МНС.
Агонь узнік у інтэрнаце Аршанскага мясакансервавага камбіната па вуліцы Шклоўскай. У выніку пажару ў адным з інтэрнацкіх пакояў пашкоджаная маёмасць, закураныя сцены.
Ратавальнікі разам з адміністрацыяй інтэрната эвакуявалі 54 чалавекі, у тым ліку 9 дзяцей.
Прычына пажару высвятляецца.
