31 сакавіка долар патаннеў на 40 рублёў, еўра — на 140

У аўторак, 31 сакавіка, адбыліся чарговыя таргі на Беларускай валютна-фондавай біржы. Па іх выніках, курс долара знізіўся на 40 рублёў і складае 14 700, курс еўра знізіўся на 140 рублёў — да 15 830, курс расійскага рубля вырас з 251,5 да 255 беларускіх рублёў.

Нагадаем, у панядзелак, 30 сакавіка, курс долара вырас на 100 рублёў і складаў 14 740, курс еўра вырас таксама на 100 рублёў — да 15 970, курс расійскага рубля знізіўся з 254 да 251,5 беларускага рубля.

Фота: Reuters