30 удзельнікаў гей-параду затрымалі ў Маскве
Сярод затрыманых удзельнікаў несанкцыянаванага шэсця — лідар расійскага ЛГБТ-руху Мікалай Аляксееў.
Удзень 25 траўня актывісты спрабавалі зладзіць акцыю ў падтрымку сэксуальных меншасцяў каля будынку Дзярждумы і ля помніка Юрыю Даўгарукаму насупраць мэрыі Масквы. Удзельнікі акцыі разгарнулі плакаты і вясёлкавыя сцягі, пасля чаго паліцыя пачала іх затрымліваць, перадае Lenta.ru
На акцыю, дарэчы, прыйшлі праціўнікі гей-параду, у тым ліку прадстаўнікі праваслаўных казакаў. Некаторых з іх таксама затрымала паліцыя.