28-гадовую жанчыну з Брэста вінавацяць у забойстве нованароджанай дачкі
Следчы камітэт выставіў абвінавачанне ў забойстве 28-гадовай жанчыне ў Брэсце.
15 траўня ў мясцовую міліцыю паступіла паведамленне з лякарні, што 10 траўня адтуль выпісалі жанчыну, якая 17 сакавіка нарадзіла дачку. У паведамленні гаварылася, што месцазнаходжанне дзіцяці невядомае.
Жанчына з'яўляецца слухачкай курсаў адной з брэсцкіх ВНУ. Пасля яе тлумачэнняў следча-аператыўная група з дапамогай вадалазаў АСВОД праверыла вадаём і знайшла на беразе цела дзіцяці, загорнутае ў прасціны.
Для высвятлення прычыны смерці дзяўчынкі была прызначаная судова-медыцынская экспертыза.
Пасля таго як жанчыне выставілі абвінавачанне ў забойстве дачкі, яе ўзялі пад варту.
Расследаванне крымінальнай справы працягваецца.
