“Жывы гук ON-line”: атрымалася як у Берліне

У суботу 27 чэрвеня прайшоў першы канцэрт абноўленага праекту “Жывы гук ON-line”. Арганізатары адразу падкрэслівалі, што гэта будзе не зусім звычайны канцэрт. У сэнсе: гэта зусім не звычайны канцэрт, да якіх мінчане прывыклі. Мэта праекту – стварэнне ўнікальнай атмасферы.
Як ні дзіўна, стварыць незвычайную атмасферу сапраўды атрымалася. І, верагодна, гэтаму спрыяла месца, так званы дворык ЦДА, які аказаўся не зусім дворыкам.

Гэта пляцоўка за Домам афіцэраў, куды вядзе высачэнная лесвіца, якая сама стала папулярным "атракцыёнам" (ледзьве не палова прысутных акуратна разляглася па прыступках – нешта накшталт чылаўта). Другая палова тусавалася наверсе і слухала канцэрт.

Арганізатары папярэдзілі, што адным з прынцыпаў новага фармату “Жывога гуку ON-line” будуць выступы толькі маладых гуртоў. Аднак амаль усе гурты, якія выступалі на канцэрце ў суботу, аказаліся ўжо даволі вядомымі. Арганізатар праекту Піт Паўлаў патлумачыў, што усе гурты для яго маладыя, акрамя Песняроў і Уліса, таму усіх астатніх мы зможам пачуць у межах “Жывога гуку ON-line”.





Дарэчы, піва на мерапрыемстве не было забаронена і яго было можна нават прынесці з сабой. Аднак, не гледзячы на спёку, усе хадзілі падазрона роўна і майстарскі рабілі цвярозы выгляд.



Пасля МУТНАГАВОКА гралі добра вядомыя, але ужо падзабытыя LIP са Стасяй (некалі гурт По глазам ) і KROK











З улікам таго, што нічога не было забаронена, танцы любых стыляў таксама былі дазволеныя



Падчас выступу з гуртом GARADzKIJA, Піт тлумачыў куды схадзіць у прыбіральню, і заклікаў не падаць з лесвіцы