Жыхарку Наваполацка аштрафавалі на 870 рублёў за букет ружаў
![Жыхарку Наваполацка аштрафавалі на 870 рублёў за букет ружаў](/sites/default/files/styles/gallery_main/public/2023-08/ryzy-3003.jpg.webp?itok=YwFqXYp_)
Жыхарку Наваполацка Алену Вінакураву 29 сакавіка суд аштрафаваў на 870 рублёў (30 базавых велічыняў), паведамляе партал Gorod214.by.
Жанчыну затрымалі ў суботу, 27 сакавіка. Яна ішла з букетам з белых і чырвоных ружаў, каб павіншаваць дачку з днём нараджэння. Міліцыянты затрымалі яе, заявіўшчы, што адвязуць у пастарунак для высвятлення асобы. Аднак у гараддзеле міліцыі на яе склалі пратакол за несанкцыянаванае пікетаванне.
Выходныя Вінакурава правяла ў Цэнтры ізаляцыі правапарушальнікаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.