Жыхар Пінскага раёна прайграў 2000 долараў і ўтапіўся

35-гадовы мужчына ў Пінску патануў у рацэ, праваліўшыся пад лёд. Падрабязнасці інцыдэнту агенцтву БЕЛТА распавёў афіцыйны прадстаўнік УУС Брэсцкага аблвыканкама Сяргей Дучэнка.

Няшчаснае здарэнне адбылося ўвечары 25 студзеня. Перад гэтым жыхар вёскі Пінкавічы бавіў час у зале гульнявых аўтаматаў. Там ён прайграў 2000 долараў.

Каля 21-й гадзіны ён прыйшоў на набярэжную, папрасіў у мінакоў мабільнік і затэлефанаваў у міліцыю. Мужчына заявіў міліцыянтам, што хоча пакончыць жыццё самагубствам. Пасля гэтага ён зняў з сябе верхнюю вопратку і выйшаў на тонкі лёд. Ён трапіў у прамоіну і амаль адразу пайшоў пад ваду.

Цела загінулага каля 12-й гадзіны знайшлі вадалазы.