Жыхар Мсціслава ў парыве рэўнасці падпаліў уласны дом
Следчы камітэт пачаў расследаванне справы аб наўмысным пашкоджанні маёмасці. Самога мсціслаўца затрымалі.
Як паведамляе БелаПАН, інцыдэнт адбыўся 1 чэрвеня. Нецвярозы 43-гадовы мужчына ў гутарцы з былой жонкай пачаў дзяліць маёмасць. Падчас дзяльбы пачалася сварка. Мужчына нібыта для таго, каб дом не даставаўся нікому, разліў у ім каністру з гаручай вадкасцю і падпаліў. Жанчына пры гэтым пакінула будынак.
Агонь пашкодзіў дах, веранду, часткова — маёмасць у доме.
Фота — slvnews.ru