Здатчыкам жылля няправільна налічылі падаткі
Некаторым плацельшчыкам падатку за здачу ў арэнду жылля і нежылых памяшканняў налічылі няправільны падатак. Пра гэта паведаміла прэс-служба Міністэрства па падатках і зборах (МПЗ).
"Па тэхнічных прычынах у АРІП у дачыненні да асобных фізічных асоб — плацельшчыкаў падаходнага падатку, якія здаюць у арэнду жылыя і нежылыя памяшканні, выгружаныя няслушныя сумы налічанага падатку", — гаворыцца ў паведамленні прэс-службы.
Цяпер спецыялісты МПЗ выпраўляюць няправільна пазначаныя сумы падатку. Завяршыць гэтую працу плануецца да 28 снежня.
У ведамстве прыносяць прабачэнні за прычыненыя нязручнасці.
