Залева ў Гродне: град дыяметрам 3 см і дрэвы, якія валіліся на дамы
Увечары 23 чэрвеня на Гродна абрынулася залева. Як піша autogrodno.by, месцамі выпаў буйны град — дыяметрам да 3 сантыметраў.
Моцны вецер зваліў з дзясятак дрэваў, некаторыя з іх падалі проста на дамы. Напрыклад, на вуліцы Дзяржынскага дрэва звалілася на дах пабудовы вайсковага шпіталя. У адным з прыватных дамоў сарвала шыфер з даху.
Пасля залевы велізарныя лужы ўтварыліся на вуліцах Брыкеля, Таўлая, Кірава, праспекце Касманаўтаў.
