За забойства сілавіка будуць судзіць 26-гадовага майстра з "Інтэграла"

17 траўня ў Мінскім гарадскім судзе пачнецца працэс па рэдкім артыкуле 362 Крымінальнага кодэкса — "Забойства супрацоўніка органаў унутраных спраў ці ваеннаслужачага". За гэта пагражае расстрэл.

Як даведаліся журналісты, пад суд трапіў 26-гадовы майстар з "Інтэграла" Станіслаў Драздоў. Родам ён з Гомельскай вобласці. 

За што канкрэтна яго будуць судзіць, не зусім ясна — пра забойствы супрацоўнікаў МУС ці вайскоўцаў апошнім часам не паведамлялася. Адзін са сваякоў хлопца заявіў журналістам, што той "нікога не забіваў, нават не дакранаўся да мундзіра". 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.