За мінулыя суткі ліквідаваныя пажары на плошчы амаль 100 гектараў
![За мінулыя суткі ліквідаваныя пажары на плошчы амаль 100 гектараў](/sites/default/files/styles/gallery_main/public/2023-08/mns-2604-3.jpg.webp?itok=xJV7Nssv)
За мінулыя суткі ў Беларусі ліквідаваныя 34 лясныя пажары на агульнай плошчы каля 74 гектараў, 13 тарфяных пажараў на агульнай плошчы каля 5 гектараў і 46 пажараў травы і кустоў на агульнай плошчы каля 20 гектараў. Пра гэта паведамляе прэс-служба МНС.
Ратавальнікі працягваюць змагацца з пажарам каля вёскі Красноўка Нараўлянскага раёна. Там цяпер фіксуюцца асобныя ачагі на агульнай плошчы 40 гектараў: гарыць сухая трава і лес.
На Альманскіх балотах у Столінскім раёне пажар удалося цалкам лакалізаваць. Ён займае плошчу ў 200 гектараў. Верталёты МІ-8 авіяцыі МНС зрабілі 72 скіды вады.