З Беларусі спрабавалі вывезці 120 тыс. пачкаў нелегальных цыгарэт
Цыгарэты / pixabay.com
Каля 120 тыс.пачкаў беларускіх цыгарэт без акцызных знакаў спрабавалі вывезці з Беларусі ў Расію, піша медыя "Пра што кажа Смаленск".
Агульны кошт нелегальных цыгарэт — каля 150 тыс. еўра.
Кантрабанду вёз самазвал. У дакументах было сказана, што ён перавозіць керамзіт, але мытнікі знайшлі 242 кардонныя скрынкі з блокамі прадукцыі фабрыкі "Нёман" без дакументаў. Цыгарэты канфіскавалі.
