З 12 красавіка забараняюцца пастаўкі ў Расію яблыкаў і груш з Беларусі
![З 12 красавіка забараняюцца пастаўкі ў Расію яблыкаў і груш з Беларусі](/sites/default/files/styles/gallery_main/public/2023-08/apples-1175230_1280.jpg.webp?itok=-C5o-dp4)
Расельгаснагляд з 12 красавіка часова спыняе пастаўкі ў Расію яблыкаў і груш з Беларусі. “Да ўрэгулявання сітуацыі, якая склалася”. Прычына — дзясяткі аўтамабіляў з гэтым грузам без фітасанітарных дакументаў, якія расіяне спынілі на беларуска-расійскай мяжы толькі за першы тыдзень красавіка. З 39 грузавікоў з санкцыйнай прадукцыяй у 36 былі яблыкі і грушы. Да таго ж, адзначае расійскае ведамства, былі і факты фальсіфікацыі фітасанітарных сертыфікатаў.