Вы тут

Ярмошына пракаментавала вылучэнне "Міс Беларусь" на парламенцкія выбары

Лідзія Ярмошына / З архіву Еўрарадыё

У дэпутаты беларускага парламента павінны ісці "людзі сталыя". Так старшыня Цэнтрвыбаркама Лідзія Ярмошына пракаментавала рашэнне 22-гадовай "Міс Беларусь — 2018" Марыі Васілевіч пайсці на парламенцкія выбары.

"Думаю, насельніцтву гэта спадабаецца. Адзінае што, у мяне асабістая пазіцыя як выбаршчыка і дзяржаўнага чыноўніка, у дэпутаты павінны ісці людзі сталыя", — пракаментавала Ярмошына.

Дэпутатам Палаты прадстаўнікоў грамадзянін Беларусі можа быць з 21 года. 

Тлумачачы сваё вылучэнне, Васілевіч казала, што ідэю ёй прапанавалі ў БРСМ. "Мне б вельмі хацелася, каб ініцыятывы і праблемы моладзі слухалі і чулі на самым высокім узроўні. Моладзь павінна быць прадстаўленая ў парламенце — вось маё меркаванне", — падкрэсліла дзяўчына. Найбольшую вядомасць яна набыла тым, што рэгулярна суправаджае Аляксандра Лукашэнку на афіцыйных і неафіцыйных мерапрыемствах. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.