Ярмошына: Мы заўсёды працуем на прызнанне выбараў
Цэнтрвыбаркам Беларусі заўсёды працуе на прызнанне выбараў. Пра гэта заявіла старшыня Цэнтрвыбаркама Лідзія Ярмошына на прэс-канферэнцыі, прысвечанай рэгістрацыі кандыдатаў у прэзідэнты.
"Мы заўсёды працуем на прызнанне выбараў. Але прызнаваць іх ці не, гэта вырашаць самі краіны Захаду і АБСЕ", ― сказала Ярмошына.
Дагэтуль Захад не прызнаў ніводныя выбары ў Беларусі пасля 1996 года.
Нагадаем, пасведчанні кандыдатаў атрымалі чацвёра ўдзельнікаў выбарчай кампаніі: лідар Ліберальна-дэмакратычнай партыі Сяргей Гайдукевіч, прадстаўніца кампаніі "Гавары праўду" Таццяна Караткевіч, казацкі атаман Мікалай Улаховіч і дзейны кіраўнік краіны Аляксандр Лукашэнка.
Фота: Reuters
