“Яндэкс. Мапы” падзялілі Крым паміж Украінай і Расіяй

Пра гэта гаворыцца ў заяве кампаніі, апублікаванай увечары 21 сакавіка ў яе афіцыйным блогу.

Змены будуць тычыцца не толькі мапаў, але і іншых сервісаў, напрыклад, “Яндэкс.Навіны”. Пры гэтым карыстальнікі сервісу пры жаданні змогуць пераключыць дамен і “выбраць тую ці іншую карціну свету”, падкрэсліваецца ў паведамленні.

Такое рашэнне “Яндэкс” тлумачыць тым, што сервісы кампаніі, якія выкарыстоўваюцца на тэрыторыі Расіі, Украіны, Беларусі, Казахстану і Турцыі, нацэленыя на вырашэнне лакальных задач для жыхароў кожнай з гэтых краін.

Невядома пакуль, калі змены пачнуць дзейнічаць. На дадзены момант Крым па-ранейшаму адлюстроўваецца на “Яндэкс.Мапах” як частка Украіны.