Вылучэнне кандыдатаў у дэпутаты Палаты прадстаўнікоў пачнецца 8 верасня
6 жніўня ЦВК Беларусі зацвердзіў каляндарныя планы па выбарах у Палату прадстаўнікоў і Савет Рэспублікі. Як вядома, першыя прызначаны на 17 лістапада, другія — на 7 лістапада. У адпаведнасці з планам, вылучэнне кандыдатаў у дэпутаты пачнецца 8 верасня і скончыцца 7 кастрычніка. Рэгістрацыя кандыдатаў будзе адбывацца 8-17 кастрычніка. Каляндарныя планы можна пачытаць тут.
Тым часам старшыня ЦВК Лідзія Ярмошына прызналася, што яе "проста палохае цішыня вакол выбараў", і найперш з боку палітычных партый.
