Вуліцу Марыі Калеснікавай прапануюць зрабіць у Берліне каля амбасады Беларусі
![Марыя Калеснікава](/sites/default/files/styles/gallery_main/public/2023-08/kaliesnikava-2211.JPG.webp?itok=U5A0nv02)
Марыя Калеснікава
Участак вуліцы каля беларускай амбасады ў Берліне прапануюць перайменаваць у вуліцу Марыі Калеснікавай (Maria-Kolesnikowa-Street), піша Bild.
Такую прапанову вылучыў Фонд Свабоды Акселя Шпрынгера. Адпаведная петыцыя ўжо з'явілася на сайце change.org.
У петыцыі адзначаецца, што ў 2020 годзе Калеснікава падтрымала вылучэнне кандыдатамі ў прэзідэнты Віктара Бабарыкі і Святланы Ціханоўскай. З восені 2020-га яна знаходзіцца за кратамі. У верасні 20201-га яе асудзілі на 11 гадоў пазбаўлення волі. Цяпер палітзняволеную адрэзалі ад знешняга свету, пазбавілі кантактаў з адвакатамі і сваякамі.
Петыцыі аб перайменаванні вуліц з'яўляюцца частка грамадскай кампаніі "Адрас свабоды" ў абарону палітвязняў. Гэтую кампанію ладзіць Фонд свабоды Акселя Шпрынгера ў партнёрстве з такімі праваабарончымі арганізацыямі, як "Рэпарцёры без межаў", Freedom House, Сусветны кангрэс свабоды і цэнтр Рауля Валенберга.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.