Вольга Нячай: мару, каб мы нарэшце ўсвядомілі, што мы — беларусы
13 лютага госць Еўрарадыё — мастачка, скульптар, дызайнер, магістр мастацтвазнаўства Вольга Нячай.
За кароткі прамежак часу ў Беларусі з'явіліся помнікі шэрагу знакавых асоб з нашай гісторыі — Тадэвушу Касцюшку, Льву Сапегу, Гедыміну. Цырымоніі адкрыцця гэтых помнікаў сабралі вялікую колькасць людзей, сталі падзеямі, якія ўзрушылі беларускую нацыю. І гэта мы яшчэ не згадваем такую знакавую падзею, як пахаванне ў Вільні Кастуся Каліноўскага і яго паплечнікаў. Можа, там, сярод гістарычных постацяў, нам і варта шукаць беларускую нацыянальную ідэю? Пра гэта мы і разважаем у чарговым выпуску "Ідэі Х" з суаўтаркай помніка князю Гедыміну Вольгай Нячай.
Трансляцыю са студыі можна будзе паглядзець у сацсетках: Facebook, "ВКонтакте", "Аднакласнікі". Там жа задавайце нашым гасцям пытанні!
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень па чацвяргах у 14:00.
Партнёр праграмы — крама з нацыянальным каларытам Symbal.by
Папярэднія выпускі праграмы "Ідэя Х" можна глядзець тут:
Нацыянальная ідэя
