Вільня пачала святкаваць 700-гадовы юбілей
![Вільня святочная / delfi.lt](/sites/default/files/styles/gallery_main/public/2023-08/vilnius-griausmingai-pradejo-svesti-700-aji-jubilieju-92366681.jpg.webp?itok=Uiu5j-6r)
Вільня святочная / delfi.lt
Вільня пачала святкаваць 700-гадовы юбілей. Першая згадка пра горад адносіцца да 25 студзеня 1323-га, калі пра яго было напісана ў лісце вялікага князя Гедыміна. Вільня была сталіцай Вялікага княства Літоўскага, яе гісторыя цесна звязана з Беларуссю.
Як піша Delfi, у сераду ў Вільні з нагоды юбілею прайшлі шматлікія мерапрыемствы: урачыстае ўзняцце сцяга на Ратушнай плошчы, набажэнствы, адкрыццё выставаў, святочны канцэрт. Цэнтрам святкавання ўвечары стала Кафедральная плошча, дзе наладзілі захапляльнае шоу. Святкаванне будзе працягвацца і ў наступныя дні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.