Вікторыя Азаранка выбыла з турніру ў Манрэалі
У чвэрцьфінале спаборніцтваў беларуская тэнісістка прайграла ў двух сэтах Агнэшцы Радваньскай — 2:6, 2:6.
Матч доўжыўся ўсяго 1 гадзіну і 5 хвілінаў. Гэта другая параза ад польскай спартсменкі за гэты год: раней Азаранка прайгравала Радваньскай у чвэрцьфінале Australian Open-2014. У папярэднія гады Радваньска лічылася адной з найбольш зручных суперніц для найлепшай беларускай тэнісісткі: лік іх асабістых сустрэчаў быў 15:12 на карысць Азаранкі.
З пачатку гэтага года Вікторыя мае праблемы з фізічнай формай з-за траўмаў. На турніры ў Манрэалі яна ўпершыню сёлета атрымала дзве перамогі запар: яна перамагла спачатку Алізэ Карнэ з Францыі, а затым — брытанку Хізэр Уотсан.